01
Apr 04, 2025
जैशिदेवल युथ क्लव द्वारा आज मिति २०८१ पौष ६ गते सम्मान कार्यक्रम आयोजना गरि "VIETNAM 2024 ASIAN OPEN POLICE TAEKWONDO CHAMPIONSHIPS" मा पुम्से विधा तर्फ GOLD MEDAL साथै WORLD TAEKWONDO POOMSAE CHAMPIONSHIPS HONG KONG 2024 मा उत्कृष्ट प्रदर्शन गरि डोजाङ्ग तथा राष्ट्रको नाम उच्च राख्न सफल यस क्लवका खेलाडी रोजेन प्रजापति तथा यस सफलताका लागि अथक प्रशिक्षण गराउनुछ हुने राष्ट्रिय पुम्से टोलीका प्रशिक्षक श्री संजिव ओझाज्यूलाई सम्मान पत्र तथा नगद सहित सम्मान गरेको छ।
क्लवका अध्यक्ष एवं जैशिदेवल तेक्वान्दो डोजाङ्गका प्रमुख प्रशिक्षक श्री राजेश प्रजापतिज्यूको सभापतित्व तथा काठमाडौं महानगरपालिकाका प्रवक्ता एवं वडा नं १७ का अध्यक्ष श्री नविन मानन्धरज्यूको प्रमुख आतिथ्यतामा आयोजित यस कार्यक्रममा का. म. पा. वडा नं २१ का अध्यक्ष श्री उदय चुडामणि बज्राचार्यज्यू, वडा नं २० का अध्यक्ष श्री राजेन्द्र मानन्धरज्यू तथा International Coach/Referee Grand Master सुद्धोधन रंजितज्यूको विषेश आतिथ्यता रहेको थियो।
क्लवका पदाधिकारी, कार्यकारिणी समिति सदस्यहरु, डोजाङ्गका प्रशिक्षकहरु, अभिभावकहरु, खेलाडीहरु एवं खेलप्रेमीहरुको उपस्थिति रहेको उक्त कार्यक्रममा प्रमुख अतिथि काठमाडौं महानगरपालिकाका प्रवक्ता एवं वडा नं १७ का अध्यक्ष श्री नविन मानन्धरज्यू द्वारा स्वर्ण पदक विजेता रोजेन प्रजापतिलाई व्यक्तिगत तर्फबाट पनि नगद रु १०,००० प्रोत्साहन स्वरुप प्रदान गर्नुभएको छ।
